- СÆРЫ КÆХЦ
- Раздæр Нартæн сæ сæры кæхцытæ исгæ уыдысты. Алчидæр-иу йæ сæры кæхц систа, æрдаста-иу æй æмæ та-иу æй фæстæмæ ныккодта. Фæлæ Уырызмæг йе 'нæном лæппуимæ хæтæны Терк-Турчы бæстæм куы ацыд, уæд уым ахæм дымгæ ракодта æмæ зæххы цъар уылынджы бæрц хаста. Уырызмæг йæ лæппуимæ уæрмы бæргæ уыд, фæлæ нал фæлæууыд – йæ сæр сдардта, æмæ йын дымгæ йæ сæры кæхц систа æмæ йæ фæхæссы. «Æгъуыстуай куыд фæдæн, гъе, мæ хистæр æнæ сæры кæхцæй зайдзæн! – загъта лæппу æмæ сгæпп кодта уæрмæй. Сæры кæхц тулгæ-тулын рацахста. Уырызмæджы сæрыл æй æркодта æмæ дзуры: «Амæй фæстæмæ Нартæн сæ сæры кæхцытæ сисгæ мауал уæнт!»
Словарь по этнографии и мифологии осетин. 2014.
